Ayətullah Sistaniyə qarşı terror aktı baş tutmadı

İntiharçılardan biri Ayətullah Sistanin Nəcəfdə yerləşən evinə girib, özünü partlatmaq istəyəndə İraqın təhlükəsizlik qüvvələri onu həbs etmişdir. (abna)
Terroristlərdən biri Ayətullah Sistaninin evinin yaxınlığında həbs edilmişdir. O, belinə bağladığı bombanı Ayətullah Sistaninin evinə daxil olaraq, partlatmaq istəyirmiş.
Ayətullah Sistaninin dəftəri elan etmişdir ki, o, sağ və salamatdır. İraqın baş naziri Nuri Maliki Məhərrəm ayının başlaması ilə bütün nizami və təhlükəsizlik qüvvələrinin hazırlıq vəziyyətində olmağını göstəriş vermişdir. Bu hazırlıq vəziyyəti İmamın (ə) 40-na qədər davam edəcəkdir.
Hal-hazırda Kərbəlada Hüseyn (ə) zəvvarlarını 25 min təhlükəsizlik qüvvələri qoruyur.
Məhərrəm ayının ilk günlərindən indiyə qədər bu təhlükəsizlik əməliyyatları nəticəsində 30 nəfər terror aktı törətmək istədiklərinə görə həbs edilmiş və çox sayda silah və partlayıcı maddələr müsadirə edilmişdir.